24.03.2008

 

Taageero Musharaxa Madaxtinimada Puntland

 

Ku: Dhamaan Isimadda Dawlad Goboleedka Puntland

Ku: Dhamaan shacabweynaha reer Puntland

 

Shirka ay isugu yimaadeen gudiga fulinta Jaaliyadda Puntland ee Finland taariikhdu markay ahayd 24.3.2008, shirkaas oo lagu gorfeeyay xaalada ay dawlad goboleedka Puntland ku sugan tahay ee siyaasadeed, iyo dhaqan dhaqaale, ayaa waxaa ka soo baxay qodobadan hoos ku qoran:

 

Ø  In la Ilaaliyo Nabadgalyada iyo Jiritaanka Dawlad goboleedka Puntland.

Ø  In shacabka reer Puntland ay u istaagaan siday u ilaashan lahaayeen nicmooyinka Allah ku galadaystay sida Amaanka, Midnimada, iyo iskaashiga dhexdooda ah.

Ø  Waxa kale oo gudiga Jaaliyadda Puntland ee Finland halkan ka cadaynayaan inay taageersan yihiin Musharaxa u taagan jagada Madaxwaynaha dawlad goboleedka Puntland ee Aadan Maxamed Ciise ”Gaadaale.”

Ø   Isla markaana ugu baaqayaan Isimadda, Aqooyahanka, Culumaa’udiinka, Ciidamadda qalabka sida, Dhalinyarada, Haweenka iyo dhamaan shacabwaynaha reer Puntland inay taageeraan  Musharaxa u taagan jagada Madaxwaynaha dawlad goboleedka Puntland Aadan Maxamed Ciise ”Gaadaale”.

Ø  Jaaliyadda Puntland ee Finland waxay u aragtaa musharaxa kor ku xusan in uu yahay, nin ku haboon inuu ka samata bixiyo xaaladaha qalafsan ee horyaala dawlad goboleedka Puntland.

Ø  Jaaliyaddu waxay kaloo mar labaad tilmaamaysaa in midnimaddu tahay horumar, khilaafkuna yahay shar iyo mushkilo.Waxayna ku boorinaysaa inay ka fogaadaan wax walba oo keenaya tafaraaruq, burbur, iyo kala danbayn la’aan.

 

Wabilaahi Towfiiq

Liiska Magacyadda Gudiga

1.   Musse Seeraar

2.   Axmed Maxamed Adan (Calbato)

3.   Maxamed Axmed Nuur

4.   C/weli Musse Cali

5.   Cumar Xaaji Cismaan

6.   Maxamed Xasan Ibrahim

7.   Maxamed Siciid Dirir

8.   Jaamac Maxamed Faarax

9.   Faysal Maxamed Cawad

10.   Adan Sh Xasan